Copy
Þessi tölvupóstur innheldur upplýsingar um starf sem er framundan hjá KFUM og KFUK á Íslandi.

Netfréttir KFUM og KFUK

25. mars 2019
Hópurinn sem fór í norður í skíðaferðina.
Kæru félagsmenn og aðrir viðtakendur.

„Fræð hinn unga um veginn sem hann á að halda og á gamals aldri mun hann ekki af honum víkja."


Orðskviðirnir 22.6

Efni netfrétta:
  • Ársskýrsla KFUM og KFUK
  • Aðalfundir
  • AD KFUK
  • AD KFUM 
  • Fjölskylduflokkur 
  • Mæðraflokkur
  • Vetrarferð KFUM og KFUK og KSS
  • Ósk um stuðning við framkvæmdir á Holtavegi 28
Ársskýrsla KFUM OG KFUK 
Ársskýrlsa KFUM og KFUK á Íslandi fyrir starfsárið 2018 - 2019 er komin út. Hún fór í póst fyrir helgi og meiga félagsmenn búast við henni á næstu dögum.

 

Aðalfundir 
Aðalfundur Kaldársels og Vinaseturs verður haldinn á Holtavegi 28 miðvikudaginn 27. mars kl 20:00-22:00.

Aðalfundur Skógarmanna (Vatnaskógar) verður haldinn á Holtavegi 28 fimmtudaginn 28. mars. Fundurinn hefst kl 19:00 með súpu.


AD KFUK 
Þriðjudaginn 26. mars kl. 17:30 mun Anna Jóhanna Guðmundsdóttir forstjóri, segja okkur frá FKA. Hvað er FKA?
Hún er einnig með hugleiðingu út frá Guðs orði.
Við hvetjum allar konur til að fjölmenna og njóta samfélags og góðrar samveru. Það verður gaman að sjá ykkur.
Húsið opnar kl. 17:00 og boðið verður upp á léttar veitingar á vægu verði fyrir fundinn.
 
AD KFUM 
Fimmtudaginn 28. mars verður aðalfundur skógarmanna. Fundur Hefst með súpu kl. 19:00.
Allir fullgildir félagar KFUM og KFUK hafa atkvæðisrétt á fundinum.


Fjölskylduflokkur í Vatnaskógi 
Fjölskylduflokkur er frábært tækifæri að njóta þess að vera saman í notalegu andrúmslofti.Í flokknum er boðið upp á afslappaða og uppbyggilega dagskrá.Starfsmenn Vatnaskógar hugsa vel um þátttakendur, bæði í fæði og dagskrá og kapp er lagt á að allir skemmti sér vel. Flokkurinn er opin fyrir alla aldurshópa.Dagskráin hefst á kvöldverði kl. 19:00 á föstudeginum og miðað er við að fjölskyldur ferðist á einkabílum á staðinn, ekki er boðið upp á rútuferðir.Verð er 10.500 kr. á mann en frítt er fyrir 6 ára og yngri. Hámarksverð fyrir fjölskyldu er 34.000 kr.
Skráning er í Þjónustumiðstöð KFUM og KFUK í síma 588 8899 eða í netfangið skrifstofa@kfum.is.
Hægt er að lesa nánar um fjölskylduflokkinn á vef KFUM og KFUK https://www.kfum.is/2019/02/27/fjolskylduflokkur-i-vatnaskogi-29-til-31-mars-2019/

Mæðraflokkur í Vatnaskógi
Fyrir mæður og börn
10. til 12. maí  2019.
Mæðraflokkur – mæður og börn er helgardvöl í Vatnaskógi þar sem mæður og börn fá að njóta þess að vera saman í Vatnaskógi.
Í flokknum er boðið upp á afslappaða og uppbyggilega dagskrá.
Starfsmenn Vatnaskógar hugsa vel um þátttakendur, bæði í fæði og dagskrá og kapp er lagt á að allir skemmti sér vel.
Dagskráin hefst á kvöldverði kl. 19:00 á föstudeginum.
Verð
Verð er kr. 10.500  á mann.
              kr. 5.250 fyrir börn 3-5 ára
              frítt er fyrir 2 ára og yngri
Skráning er í Þjónustumiðstöð KFUM og KFUK í síma 588 8899 eða í netfangið skrifstofa@kfum.is.
Hægt er að lesa nánar um mæðraflokkinn á Vef KFUM og KFUK
https://www.kfum.is/2019/03/18/maedraflokkur-maedur-og-born-nytt/

Vetrarferð 
Vetrarferð KFUM og KFUK og KSS var farin 15.-17. mars sl. til Akureyrar. Það voru um 30 ungmenni sem tóku þátt í þessum árlega viðburði. Það var vel tekið á móti hópnum fyrir norðan og ýmislegt brallað yfir helgina eins og diskóskauta, skíðað í fjallinu, jólahúsið heimsótt og svo margt annað. Allir skemmtu sér konunglega og áttu góðar stundir saman! Við erum nú þegar farin að skipuleggja næstu vetrarferð til Akureyrar að ári!


Ósk um stuðning við framkvæmdir á Hotlavegi 28
Breytingarnar innandyra í aðalstöðvum okkar á Holtavegi 28 eru kærkomnar.  Með þeim fáum við betri starfaðstöðu og betri nýtingu, auk þess sem húsnæðið er orðið miklu hlýlegra og vistlegra.  Við höfum fengið mjög jákvæð viðbrögð við því sem þegar hefur verið gert.
http://https://www.kfum.is/2019/03/25/osk-um-studning-vid-framkvaemdir-a-holtavegi-28/

Framundan eru endurbætur á aðalsal og endasal og gera rýmin hlýlegri.  Gera á endurbætur á hljóðkerfi og myndvarpalausnum.  Endurnýja þarf stólana í salnum, en margir þeirra eru orðnir mjög lúnir.

Til að styðja fjárhagslega við þessar framkvæmdir leitum við til félagsfólks og leggjum fram tvo valmöguleika:

a) Greiða valkröfu að upphæð 5.000 kr. sem stofnuð hefur verið í heimabanka.  

b) Keyptu stól!  Sérstök söfnun vegna stólakaupa fyrir salinn.  Hver stóll mun kosta um 18.000 kr.  

     Valkrafa undir nafninu Stólakaup KFUM og KFUK hefur einnig verið stofnuð í heimabankanum.

Að sjálfsögðu er valkvætt að taka þátt, í örðum hvoru þeirra eða báðum, eftir því sem við á hverju sinni.  

 


Með bæn um blessun,

Elín Hrund Garðarsdóttir



KFUM og KFUK á Íslandi
Holtavegi 28
104 Reykjavík
Sími: 588 8899
elin@kfum.is

 
 KFUM og KFUK á TwitterMyndir úr starfi KFUM og KFUK | Sendu þennan tölvupóst á vin
Tengdu við okkur á facebook


Uppfæra upplýsingar á netfangalista | Fjarlægið nafnið mitt af listanum
 






This email was sent to <<Email Address>>
why did I get this?    unsubscribe from this list    update subscription preferences
KFUM og KFUK á Íslandi · Holtavegi 28 · Reykjavik 104 · Iceland

Email Marketing Powered by Mailchimp