Copy
Þessi tölvupóstur innheldur upplýsingar um starf sem er framundan hjá KFUM og KFUK á Íslandi.

Netfréttir KFUM og KFUK

17. febrúar 2020
Nýir félagar boðnir velkomnir
Kæru félagsmenn og aðrir viðtakendur.

„Ég vil lofa nafn Guðs í ljóði og mikla hann í lofsöng.

Sálmarnir 69.31  

Efni netfrétta:
  • Hátíðar- og inntökufundur KFUM og KFUK
  • AD KFUK 
  • AD KFUM
  • Skráning í sumarbúðir KFUM og KFUK 2020
  • Æskulýðsmótið Friðrik
  • Hetjan ÉG!
  • Samkomulag undirritað milli Skólahreyfingarinnar og KFUM og KFUK
  • Sportfélag KFUM og KFUK
  • Jól í skókassa ferðasaga frá Úkraínu

Hátíðar og inntökufundur KFUM og KFUK
Hátíðar- og inntökufundur KFUM og KFUK var 11. febrúar.
Síðastliðið ár hafa 28 nýir félagar bæst í hópinn og voru 15 þeirra viðstaddir hátíðlega athöfn. Sólveig Reynisdóttir formaður KFUM og KFUK á Íslandi og Stefán Jónsson varaformaður KFUM og KFUK á Íslandi buðu nýja félaga velkomna með hefðbundnum hætti.
Veislumatur og fjölbreytt hátíðleg dagskrá var í umsjón stjórnar félagsins.
Á árum áður var einungis hægt að ganga í félagið einu sinni á ári á þar til gerðum inntökufundum. Þó svo að nú geti nýjir félagar skráð sig allt árið um kring þá höldum við í þann góða sið að efna til veislufundar til þess að bjóða nýja félaga velkomna.
Við viljum þakka öllum þeim er mættu á Hátíðar- og inntökufundinn fyrir ánægjulega samveru og bjóðum þeim sem gengu í félagið innilega velkomna.


AD KFUK
Þriðjudaginn 18. febrúar verður Biblíulestur í umsjón Sr. Irmu Sjafnar Óskarsdóttur.
Fundurinn hefst kl. 17:30 en húsið opnar kl. 17:00 með léttu spjalli, kaffisopa og samveru.
Við hvetjum allar konur til að mæta.

 
AD KFUM
Fimmtudaginn 20. febrúar verður Aðalsteinn Ásberg Sigurðsson gestur fundarins. Ber fundurinn yfiskriftina „Sorg, birta og von í skáldskap Aðalsteins Ásbergs.“
Upphafsorð og bæn: Ásmundur Magnússon
Stjórnun: Hannes Guðrúnarsson
Hugleiðing: Sr. Henning Emil Magnússon
Tónlist:undirleikur: Ingibjartur Jónsson
Fundurinn hefst kl. 20:00. Eftir fundinn verður boðið upp á kaffi og léttar veitingar á vægu verði.
Allir karlar eru hjartanlega velkomnir.


Skráning í sumarbúðir KFUM og KFUK  2020
Skráning í sumarbúðir KFUM og KFUK hefst þriðjudaginn 3. mars kl. 13:00.
Allar skráningar fara fram á skráningarsíðu félagsins https://sumarfjor.is/

 

Æskulýðsmótið Friðrik 
Helgina 21.-23. febrúar næstkomandi verður Æskulýðsmótið Friðrik haldið fyrir allar unglingadeildir KFUM og KFUK. Mótið er alltaf afar vel sótt þar sem fjölbreytt dagskrá er í boði. Má þar helst nefna Mission Impossible leik, kvöldvökur, hópastarf, draugagang, orustu, íþróttir, spil og svo mætti lengi telja.
Á laugardagskvöldinu verður svo haldin kvöldvaka og ball fyrir unglingana.
Mótstjórn og allur undirbúningur er í höndum Gunnars Hrafns Sveinssonar og Hreins Pálssonar.
Skráningar fara fram á netinu  https://sumarfjor.is/Event.aspx?id=16
Fyrir nánari upplýsingar er hægt að hafa samband við leiðtoga hverrar deildar eða við mótstjóra.
Gunnar Hrafn Sveinsson  gunnar@kfum.is
Hreinn Pálsson                   hr1palsson@gmail.com


Hetjan ÉG! 
Hetjan ÉG! eru ný og vönduð námskeið fyrir stráka í 5. og 6. bekk á vegum KFUM og KFUK í Lindakirkju og fyrir stelpur í 5. og 6. bekk á vegum KFUM og KFUK í Digranes-og Hjallakirkju hefjast mánudaginn 24. febrúar nk.
Markmið námskeiðsins er að miðla markmiðasetningu, félagsfærni og jákvæðri sjálfsmynd. Einnig verður farið yfir mikilvægi þess að taka ábyrgð, hrósa og þora að takast á við áskoranir.
Námskeiðin verða í Lindakirkju og Digranes- og Hjallakirkju á mánudögum frá 16:30-18:00 og samanstendur af 6 samverum auk sólarhringsferðar í Vatnaskóg.
Þátttakendur á námskeiðinu geta minnst verið 8 og mest 18.
Skráning á bæði námskeiðin fara fara fram á skráningarsíðu félagsins https://sumarfjor.is/Event.aspx?id=16
Nánari upplýsingar um námskeiðin má svo finna hér: https://www.kfum.is/2020/02/13/hetjan-eg-digranes-og-hjallakirkju-og-lindakirkju/
Frekari upplýsingar veita Unnur Ýr Kristinsdóttir (unnur@kfum.is),  sr. Guðni Már Harðarson (gudni@lindakirkja.is) eða sr. Helga Kolbeinsdóttir (helga@digraneskirkja.is)

Samkomulag undirritað milli Skólahreyfingarinnar og KFUM og KFUK 
Kristilega skólahreyfingin, KSS, KSF og KFUM og KFUK hafa nýlega lokið við að gera með sér samkomulag til að formgera áratugalangt samstarf félaganna. Samkomulagið felur m.a. í sér að:
  • KFUM og KFUK mun styðja við starf skólahreyfingarinnar á fjölþættan hátt líkt og verið hefur og horfa til starfsins sem hluta af sínu ungmennastarfi.
  • KSF, KSS og KSH innleiðir siðareglur Æskulýðssvettvangsins og mun leitast áfram við að starfa í takti við áherslur og stefnur KFUM og KFUK.
  • Framkvæmdastjóri KSH mun hafa starfsaðstöðu hjá KFUM og KFUK og verða hluti af starfsmannateyminu á Holtavegi 28.
KSS er með starf fyrir ungmenni á framhaldsskólaaldri, 15-20 ára, og heldur fundi sína í húsi KFUM og KFUK á Holtavegi á laugardagskvöldum. KSF hefur einbeitt sér að starfi meðal háskólanema.
Nefnd skipuð fulltrúum beggja aðila vann að samkomulaginu.  Tómas Torfason, framkvæmdastjóri KFUM og KFUK, Rakel Brynjólfsdóttir, stjórnarkona í KSH, Sólveig Reynisdóttir, formaður KFUM og KFUK, Benjamín Ragnar Sveinbjörnsson, formaður KSH, Halldór Elías Guðmundsson, starfsmaður KFUM og KFUK og Gísli Jónsson, stjórnarmaður í KSH.

Mosfell og Hólavatnshelgi Sportfélagsins
Sportfélag KFUM og KFUK stendur fyrir um tveggja tíma gönguferð á Mosfell í Mosfellsdal sunnudaginn 23. febrúar.  Vegalengd 4 km og hækkun 200m.  Allir velkomnir.  Stefnt er að því að leggja af stað frá Mosfellskirkju kl. 11, en gott er að fylgjast með og tilkynna þátttöku á facebook (eða öðrum kosti hafa samband við Önnu fararstjóra 8997764) þar sem ferðaáætlanir geta raskast með skömmum fyrirvara. 
Einnig er útivistaráhugafólki bent á að taka frá dagana 6.-9.ágúst nk. en þá mun Sportfélagið bjóða upp á göngudagskrá á Eyjafjarðarsvæðinu með gistingu á Hólavatni. 
Facebooksíða Sportfélagsins  https://www.facebook.com/groups/1943429652557481/

Jól í skókassa ferðasaga frá Úkraínu
Í janúar fóru þrír sjálfboðaliðar til Úkraínu til að fylgja eftir verkefninu Jól í skókassa og nú hafa þau deilt sögu sinni og upplifun með okkur hér https://www.kfum.is/skokassar/2020/02/17/jol-i-skokassa-2020-ferdasaga/

Það er virkilega gaman að lesa frásögn þeirra og skoða myndir frá ferðinni.


 


Með bæn um blessun,

Elín Hrund Garðarsdóttir



KFUM og KFUK á Íslandi
Holtavegi 28
104 Reykjavík
Sími: 588 8899
elin@kfum.is

 
 KFUM og KFUK á TwitterMyndir úr starfi KFUM og KFUK | Sendu þennan tölvupóst á vin
Tengdu við okkur á facebook


Uppfæra upplýsingar á netfangalista | Fjarlægið nafnið mitt af listanum
 
Twitter
Facebook
Vefsíða KFUM og KFUK
Instagram
Email






This email was sent to <<Email Address>>
why did I get this?    unsubscribe from this list    update subscription preferences
KFUM og KFUK á Íslandi · Holtavegi 28 · Reykjavik 104 · Iceland

Email Marketing Powered by Mailchimp