Copy
Þessi tölvupóstur innheldur upplýsingar um starf sem er framundan hjá KFUM og KFUK á Íslandi.

Netfréttir KFUM og KFUK

18. september 2017
Ragnhildur Gunnarsdóttir, Sesselja Kristinsdóttir, Hulda Björg Jónasdóttir og Katazyna Jakubowska ásamt Árna Gunnarssyni, formanni Rauða krossins í Reykjavík. Ljósmynd/Vísir/Sigurjón
Kæru félagsmenn og aðrir viðtakendur.

„Hygginn maður er orðvar og skynsamur maður er fáorður."

Orðskviðirnir 17.27 


Efni netfrétta:
  • AD KFUK
  • AD KFUM
  • Æskulýðsmótið Friðrik
  • Vetrarferð KFUM og KFUK og KSS
  • Starfsfólk Vinagarðs hlýtur viðurkenningu frá Rauða krossinum í Reykjavík
AD KFUK 
Þriðjudaginn 19. febrúar ætlar Laura Scheving Thorsteinsson og gleðisveitin að gleðja okkur og uppörva. „Ég vil lofa Drottinn á meðan ég lifi, lofsyngja Guði mínum meðan ég er til“ Sálmur 146.2.
Fundurinn er á Holtaveginum og hefst kl. 17:30. Húsið opnar kl. 17:00 með léttum veitingum.
Allar konur eru hjartanlega velkomnar.

AD KFUM 
Fimmtudaginn 21. febrúar kl 20:00 verður AD KFUM fundur á Holtavegi 28 og ber hann yfirskriftina "Karlakór í 10 ár".
Karlakór KFUM býður til veislu.
Guðmundur Ingi Leifsson segir frá kveikjunni að karlakórnum.
Upphafsorð og bæn: Karl Gíslason.
Stjórnun: Ingi Bogi Bogason.
Hugleiðing: Páll Skaftason.
Tónlist: Ásta Haraldsdóttir 
Eftir fundinn er boðið upp á veitingar á vægu verði. Allir karlar eru innilega velkomnir.

Æskulýðsmótið Friðrik 
Þá eru einungis örfáir dagar í Æskulýðsmótið Friðrik í Vatnaskógi.
Yfir 100 unglingar í 8.-10. bekk og leiðtogar munu eyða helginni saman í leikjum og miklum ævintýrum.
Stærri dagskrárliðir á mótinu eru meðal annars orrusta, workshops, þar sem þátttakendur fá tækifæri að velja úr fjölda stöðva til að taka þátt í. Námskeið hjá Kristínu Tómasdóttur og Bjarna Fritzsyni: Út fyrir kassann, verður á laugardagsmorgninum, en námskeiðinu er ætlað að efla sjálfstraust unglinga og styrkja félagsfærni þeirra. Að ógleymdu Svínadalsballinu þar sem Dj Loghan og Krilli West þeyta skífum.
Í fyrra framlengdist mótið um einn dag vegna óveðurs, eins og nokkrir fjölmiðlar fjölluðu skemmtilega um, en bæði þátttakendur og leiðtogar voru rólegir og töldu þetta mikið ævintýri. Þó er það einlæg ósk mótstjóra að hópurinn verði ekki aftur veðurtepptur.
Áfram að markinu!


Vetrarferð KFUM og KFUK og KSS 
Vetrarferð til Akureyrar fyrir 10. bekk og eldri verður farin dagan 15.-17. mars 2019.     
Brottför verður frá Holtavegi 28, föstudaginn 15. mars kl 12:00.
Verð í ferðina er 17.500 kr. Innifalið er ferðin norður og til baka, gisting í tvær nætur, diskóskautar, sundferð, morgun- og kvöldmatur báða dagana og passi í fjallið.
Skráning og greiðslur í ferðina fara alfarið fram á netinu, inná sumarfjör.is. eða hér https://sumarfjor.is/Slot.aspx?id=1416  Það eru takmörkuð pláss í boði þannig fyrstur kemur fyrstur fær, aðeins 40 manns komast með í rútuna svo endilega skráið ykkur sem fyrst ef þið viljið komast með.


Starfsfólk Vinagarðs hlýtur viðurkenningu frá Rauða krossinum í Reykjavík
Okkur langar til að deila frétt sem birtist á Vísi þann 11. febrúar 2019. 112 dagurinn er haldinn 11. febrúar og þá heiðraði Rauði krossinn í Reykjavík starfsfólk á Vinagarði fyrir skyndihjálparafrek. Starfsfólk Vinagarðs sækir árleg öryggisnámskeið sem við höldum m.a. í skyndihjálp og brunavörnum. Þó svo að námskeiðin taki mikið mið af þörfum sumarbúða félagsins, þá eru þau gífurlega mikilvæg í öllu okkar starfi eins og þetta einstaka dæmi sýnir og sannar. Við erum afar stolt af okkar fólki.
Björguðu lífi samstarfskonu sinnar: „Ég væri ekki hér ef ekki væri fyrir þær“
Kona sem fór í hjartastopp á líf sitt að launa þremur samstarfskonum sínum sem björguðu lífi hennar. Tvísýnt var í nokkra daga hvort hún myndi lifa af en Rauði krossinn heiðraði samstarfskonur hennar í dag fyrir skyndihjálparafrek. 
Sesselja Kristinsdóttir er 28 ára starfsmaður leikskólans Vinagarðs. Hún hefur alltaf verið hraust svo það var án nokkurs fyrirvara sem hún fór skyndilega í hjartastopp í apríl í fyrra. „Ég bara fer í hjartastopp hérna á kaffistofunni,“ segir Sesselja í samtali við fréttastofu.
Samstarfskonur hennar þær Katarzyna Jakubowska, Ragnhildur Gunnarsdóttir og Hulda Björg Jónasdóttir, brugðust hárrétt við en án þess að hika byrjuðu þær hjartahnoð á meðan ein þeirra hringdi eftir aðstoð. Eftir nokkra tvísýna daga á gjörgæslu kom Sesselja til baka og þykir ljóst að snarræði samstarfskvenna hennar var það sem réði úrslitum. Hún náði það fljótt aftur heilsu að hún gat tekið þátt í Reykjavíkurmaraþoninu í ágúst.
„Ég væri ekki hér ef ekki væri fyrir þær,“ segir Sesselja. 112 dagurinn er í dag, 11. febrúar, og að því tilefni veitti Rauði krossinn í Reykjavík samstarfskonum Sesselju, viðurkenningu fyrir afrekið. Þær hvetja alla til að sækja skyndihjálparnámskeið. „Það er nauðsynlegt að fara á svona námskeið, ég myndi segja það og það skipti sköpum hvernig við brugðumst við, að hafa lært þetta,“ segir Hulda Gunnarsdóttir, starfsmaður leikskólans Vinagarðs.

Hér er linkur á fréttina.
http://www.visir.is/g/2019190219823?fbclid=IwAR1Pd3k1vORYVW8uYiw82su1qCq7fnFlGqCXHzaEMqVnQKWYyqq2UKvEXV4

 

Elín Hrund Garðarsdóttir



KFUM og KFUK á Íslandi
Holtavegi 28
104 Reykjavík
Sími: 588 8899
elin@kfum.is

 
 KFUM og KFUK á TwitterMyndir úr starfi KFUM og KFUK | Sendu þennan tölvupóst á vin
Tengdu við okkur á facebook


Uppfæra upplýsingar á netfangalista | Fjarlægið nafnið mitt af listanum
 






This email was sent to <<Email Address>>
why did I get this?    unsubscribe from this list    update subscription preferences
KFUM og KFUK á Íslandi · Holtavegi 28 · Reykjavik 104 · Iceland

Email Marketing Powered by Mailchimp