Copy
Þessi tölvupóstur innheldur upplýsingar um starf sem er framundan hjá KFUM og KFUK á Íslandi.

Netfréttir KFUM og KFUK

20. ágúst 2019

Þitt orð er lampi fóta minna og ljós á vegum mínum"
Sálmur 119. 105


Efni netfrétta:
  • Kvöldvaka sumarbúðanna
  • Kvennaflokkur
  • Karlaflokkur
  • Vetrarstarf KSS hefst á Menningarnótt 


Kvöldvaka sumarbúðanna
Ein glæsilegasta kvöldvaka landsins verður haldinn föstudaginn
23. ágúst þar sem fagnað verður frábæru starfi sumarbúðanna á sumrinu sem er að líða!

Sjálf hátíðin byrjar kl 18:30, með sölu á veitingum og opið verður í hoppukastala og skemmtilegir leikir verða á túninu fyrir utan félagsheimilið.

Klukkan 19:00 hefst svo sjálf kvöldvakan en á henni er blönduð dagskrá með samansafn af bestu atriðunum og leikritum úr öllum sumarbúðunum. Húsbandið sér um að spila vinsælustu sumarbúðalögin.

Veglegt happadrætti og hver veit nema að það leynist gjafabréf frá sumarbúðunum í verðlaun!

Allir eru hjartanlega velkomnir á þennan frábæra viðburð!

--------

Kvennaflokkur
Kvennaflokkur í Vindáshlíð verður haldinn dagana 30 ágúst til 1. september.
Yfirskrift helgarinnar er "Hér andar Guðs blær".

 
Þóra Björg Sigurðardóttir mun segja frá lokaverkefni sínu til Meistaraprófs í guðfræði frá Háskóla Íslands. "Vertu trú. Konurnar sem voru kallaðar af Guði til að stofna sumarbúðir í Vindáshlíð."

Dagný Dögg Sigurðardóttir, verslunarstjóri Nytjamarkaðarins á Selfossi, mun tala.
Bryndís Schram Reed söngkona mun gleðja okkur með fögrum tónum.
 
Kvöldvakan verður á sínum stað á laugardagskvöldinu og helgistundin á sunnudeginum.
Verð í flokkinn, með gistingu og mat, er 17.000 kr.


Allar konur 18 ára og eldri eru hjartanlega velkomnar og hvattar til að fjölmenna.
Síðasti dagur skráningar í Kvennaflokkinn er sunnudagurinn 25. ágúst


Hægt er að skrá sig í flokkinn inn á https://sumarfjor.is/Slot.aspx?id=1354 



--------

Karlaflokkur
Helgina 6. - 8. sept. verður karlaflokkur í Vatnaskógi, ætlaður karlmönnum á aldrinum 17-99 ára. 
Tilgangur helgarinnar er að styrkja líkama, sál og anda.  Líkaminn er styrktur með þátttöku í íþróttum, gönguferðum og vinnu fyrir Vatnaskóg. Andinn og sálin eru styrkt með erindum, biblíufræðslu, bænastundum, kvöldvöku og guðsþjónustu.

Verð á Heilsudaga karla er, 13.100.kr.  Hægt er að ganga frá skráningu á https://sumarfjor.is/Slot.aspx?id=1394 eða í síma 588-8899.



Vetrarstarf KSS hefst á Menningarnótt
Myndast hefur hefð fyrir því að byrja vetrarstarf KSS (Kristilegra Skólasamtaka) á helgistund í Dómkirkjunni á Menningarnótt. Í ár mun sú hefð halda sínum sessi og stundin, eins og áður, er opin öllum þeim sem hafa áhuga á því að mæta.

Helgistundin mun hefjast kl.22.00 á laugardagskvöldið og mun innihalda hugvekju, gamla KSS söngva, ásamt orðum og bæn fyrir starfinu.

Undanfarið ár hefur KSS vaxið að nýju og þökkum við í KSS Guði fyrir, en enn er ekki búið að plægja allan akurinn.

KSS hefur breytt lífi margra unglinga og margir eiga góðar minningar úr starfinu, KSS tilheyrir ekki bara fortíðinni, því það heldur áfram að hafa áhrif og er mikilvægt samfélag fyrir nýja kynslóð unglinga hér á Íslandi.
Við erum þakklát fyrir allar þær bænir sem beðnar eru fyrir starfinu og myndum gjarnan vilja sjá sem flesta að taka þátt í að lofa Guð með okkur á Menningarnótt og biðja fyrir framtíð KSS. 


Með bæn um blessun,

Tinna Dögg Birgisdóttir.



KFUM og KFUK á Íslandi
Holtavegi 28
104 Reykjavík
Sími: 588 8899
kfum@kfum.is

 
 KFUM og KFUK á TwitterMyndir úr starfi KFUM og KFUK | Sendu þennan tölvupóst á vin
Tengdu við okkur á facebook


Uppfæra upplýsingar á netfangalista | Fjarlægið nafnið mitt af listanum
 
Twitter
Facebook
Vefsíða KFUM og KFUK
Instagram
Email






This email was sent to <<Email Address>>
why did I get this?    unsubscribe from this list    update subscription preferences
KFUM og KFUK á Íslandi · Holtavegi 28 · Reykjavik 104 · Iceland

Email Marketing Powered by Mailchimp