Copy
Þessi tölvupóstur innheldur upplýsingar um starf sem er framundan hjá KFUM og KFUK á Íslandi.

Netfréttir KFUM og KFUK

24. mars 2020
#fjarfjör er nýtt dagskrártilboð í deildarstarfi KFUM og KFUK á Íslandi.
Kæru félagsmenn og aðrir viðtakendur.

„Á því munuð allir þekkja að þér eruð mínir lærisveinar ef þér berið elsku hver til annars.“
Jóhannesarguðspjall 13:35


Efni netfrétta:
  • Áhrif Covid19 á starf félagsins
  • Nýjar dagsetningar fyrir aðalfundi
  • #Fjarfjör - fjarvinnsla í æskulýðsstarfi
  • Heimsmarkmiðabókin

Viðbrögð KFUM og KFUK vegna  Covid-19

KFUM og KFUK hefur ekki farið varhluta af Covid-19 veirunni. Búið er að fresta öllu félagsstarfi og viðburðum fram yfir páska eins og áður hefur verið greint frá.

Starfsfólk félagsins vinnur að mestu heiman frá sér og á í samskiptum yfir netið. Stjórnir eru að máta sig við fjarfundalausnir. Þó svo opnunartími á skrifstofunni á Holtavegi verði takmarkaður er starfsfólk að störfum hver á sínum stað, bæði tengt síma og neti.

Okkur var brugðið er Elín, starfsmaður okkar hér á skrifstofunni, var síðasta föstudag flutt með sjúkrabíl í skyndi upp á spítala og sett þar í einangrun. Veikindin voru rakin til Covid19 veirunnar sem lögðust ofan á undirliggjandi lungnabólgu.  Elín er á batavegi og þökkum við Guði og færu heilbrigðisstarfsfólki að ekki fór verr.

Nýjar dagsetningar fyrir aðalfundi

Fresta þurfi aðalfundi KFUM og KFUK á Íslandi auk aðalfundum fjögurra starfsstöðva vegna Covid-19. Nýir fundartímar eru eftirfarandi:

  • Mánudagur 27. apríl kl. 20:00. Aðalfundur Kaldársels (og Vinaseturs)
  • Þriðjudagur 28. apríl kl. 20:00. Aðalfundur Vindáshlíðar
  • Mánudagur 4. maí kl. 20:00.    Aðalfundur Vinagarðs, leikskóla KFUM og KFUK.
  • Fimmtudagur 7. maí kl. 19:00. Aðalfundur Skógarmanna KFUM
  • Laugardagur 9. maí kl. 10:00.  Aðalfundur KFUM og KFUK á Íslandi
#Fjarfjör - fjarvinnsla í æskulýðsstarfi

Fjarfjör KFUM og KFUK er áskoranakeppni fyrir börn og unglinga í deildarstarfi KFUM og KFUK. Annan hvern dag setja leiðtogar í deildarstarfi inn áskorun fyrir þátttakendur í deildarstarfi félagsins (og aðra áhugasama). Hver deild fær eitt stig fyrir hvern þátttakanda sem tekur áskoruninni og setur mynd eða myndband á Instagram merkt viðkomandi áskorun og nafni starfsstöðvar. Einnig geta þátttakendur sent mynd eða myndband á fjarfjor@kfum.is til að taka þátt.

Þau sem ekki eru virk í deildarstarfi en vilja taka þátt, geta gefið deild að eigin vali þau stig sem safnað er, nú eða stofnað gestahóp sem keppir við þær deildir sem fyrir eru. Nánari upplýsingar eru á www.kfum.is/fjarfjor.

Heimsmarkmiðabókin

Komið er út fræðsluefni sem tengir kristna trú og gildi við heimsmarkmið Sameinuðu þjóðanna. KFUM og KFUK stendur að útgáfunni í samvinnu við fræðslusvið Biskupsstofu og norsku kirkjuna.

Um er að ræða þýtt og staðfært efni frá Noregi. Sr. Sindri Geir Óskarsson þýddi efnið og vann að útgáfunni fyrir hönd KFUM og KFUK. Í samræmi við boðskap og innhald bókarinnar er hún gefin út á netinu, enda sú leið hagkvæm og umhverfisvæn.  

Sjá nánar:  www.heimsmarkmidabokin.is

KFUM og KFUK þakkar fræðslusviði biskupsstofu gott samstarf.



Með bæn um blessun,

Tómas Torfason, framkvæmdastjóri




 

KFUM og KFUK á Íslandi
Holtavegi 28
104 Reykjavík
Sími: 588 8899
skrifstofa@kfum.is
 KFUM og KFUK á TwitterMyndir úr starfi KFUM og KFUK | Sendu þennan tölvupóst á vin
Tengdu við okkur á facebook


Uppfæra upplýsingar á netfangalista | Fjarlægið nafnið mitt af listanum
 
Twitter
Facebook
Vefsíða KFUM og KFUK
Instagram
Email






This email was sent to <<Email Address>>
why did I get this?    unsubscribe from this list    update subscription preferences
KFUM og KFUK á Íslandi · Holtavegi 28 · Reykjavik 104 · Iceland

Email Marketing Powered by Mailchimp