Copy
Ilisimatusarfik news
Tikilluaritsi Ilisimatusarfiup nutaarsiassaanut saqqummeqqittumut.

Saqqummersitami matumani ilanngullugu maluginiagassaq tassaavoq upernaaq 2016 ilinniarnerup aallartinnera - mannalu iluatsillugu ilinniartut tamaasa uteqqinnerinut tikilluaqquakka.

Atuarluarisi.

Inussiarnersumik inuulluaqqusillunga,
Tine Pars, rektori
Anders Øgaard (qiterlermiittup) ph.d.’ani illersorpaa ulloq 13. januaari 2016 (assiliisoq: Lars Poort)
Unnuk kulturisiorfik, Groenlandica & Nunatta Allagaateqarfia - assit amerlanerit Facebook’imiipput


Nutaarsiassat


Ilinniartitsinermik Ilisimatusarfimmi siullermeerluni ph.d.’mik illersuineq


Pingasunngorneq ulloq 13. januar Anders Øgaard’ip (assimi qiterleq), Ilinniartitsinermik Ilisimatusarfimmi ph.d.’ngorniutini illersorpaa qulequtaqartoq: Attaveqaatit atorlugit ilinniartitsinermut nutaaliaasumut Kalaallit Nunatsinni atuarfinni periarfissat.

Illersuineq pitsaasumik nalilerneqarpoq.

Ilisimatusaatitut apeqqut imaappoq: 
  • Attaveqaatit atorlugit ilinniartitsinermut nutaaliaasumut Kalaallit Nunatsinni atuarfinni unammisassat suuppat, meeqqat atuarfiini inatsimmi piumasaqaatit aallaavigalugit: atuarfiup suliamini tamani atuartup inuiaqatigiinni kinaassutsiminik, kulturiminik pingaartitaminillu paasinninnerminik ilisimasaminillu ineriartortitsinissaa tunngavilissavaa (§2.5) taamaasiornermigullu atuartup namminersortumik eqqarsarsinnaanera, akuersaaginnarani nammineq isummersinnaassuseqarnerminik piginnaassusai, isummaminik, nammineq isiginnittaatsiminik misigissutsiminillu oqaatiginnissinnaassuseqarnera kiisalu anguniakkaminik angusiniarsinnaassutsimigut, allanngortitseriarsinnaassutsimigut, tunniussimassutsimigut pilersitseriarsinnaassutsimigullu piginnaasai siuarsassallugit (§2, imm. 2)?
Anders Øgaardip pd.h.’ngorniutaa tassaavoq attaveqaatit atorlugit ilinniartitsinermut nutaaliaasumut Kalaallit Nunatsinni periarfissanik akuersaarneq.

Ilisimatuutut allaatigisami unamminartuusimasoq tassaavoq nalinginnaasumik peqanngittarnermut attuumassuteqartoq attaveqaatit atorlugit ilinniartitsinermut nutaaliaasumut, ingammik attaveqaatit atorlugit meeqqat atuarfianni atuartunut ilinniartitsinermut atatillugu.

Ilisimatuutut allaatigisaq taamaassorinninnermut tunngatinneqarallarpoq, attaveqaatit atorlugit ilinniartitsinermut nutaaliaasumit ersersinneqartoq atuarfimmi pædagogiskiusumik periutsimik siuarsaaniarneq. 

Ilisimatuutut allaatigisami attaveqaatit atorlugit ilinniartitsinermut nutaaliaasumut kalaallit atuarfiini allanik unamminartoqartoq allaaserineqarpoq. Tassunga atatillugu immikkut suliaqarnermi periusissiat nutaat atuutsilerniarnerisa unamminartuuneri qanimut najornani ilinniartitsisut atuartullu attaveqaqatigiinniarnerini.

Ph.d. ilisimatuutut allaatigisaq siullersaavoq Ilinniartitsinermik Ilisimatusarfimmeersumut.

Assimi qulaaniittumi saamerlermiit ukuupput: lektor Jette Kofoed, proffessori Erik Lauersen, ph.d. Anders Øgaardprofessori Karen Wistoft & proffessori Yngve Nordkyelle (assiliisoq: Lars Poort).
 


Unnuk kulturisiorfik Ilisimatusarfimmi


Ilimmarfimmi Unnuk kulturisiorfimmi 2016 assigiinngitsorpassuit misigineqarsimapput:
  • Auditoriami tusarnaarneqarsinnaapput atuakkiortut Pivinnguaq Mørch aamma Sørine Steenholdt atuakkiatik pillugu Ivalu I. Mathiassenimit apersorneqartut
  • Peqqissarnermik Ilinniarfimmit oqaluttuarineqarpoq Kalaallit Nunaanni peqqinneq pillugu – peqqissaasunngorniartut pikkorilluinnartut immikkut suliaminnik saqqummiipput
  • Kantinami saqqummersinneqarput timersornerup silarsuaanit tunngasut – pulaartullu immersuisinneqarlutik
  • Groenlandica aamma Nunatta Allagaateqarfiani timersuutit assigiinngitsut takutinneqarput, ukiut ingerlanerini atugaasimasut – sisorarnermik timersornerup ineriartorsimanera pillugu aamma immikkut takusassaqarpoq. Aammattaaq unnuup ingerlanera naallugu Groenlandica atuakkanik tuniniaavoq ’Silent Auction’-qarlunilu
  • Kisitsisinik Naatsorsueqqissaartarfimmi ilaatigut unammisitsinermut peqataasoqarsinnaavoq
 
Unnuk kulturisiorfimmi 2016 takkussimasorpassuit unnummik nuannersuutitsinerannik qutsavigaavut.
 


AWG 2016 Ilisimatusarfimmi


AWG 2016 nalaani Ilisimatusarfimmi assigiinngitsorpassuarnik pisoqassaaq.

Ilinniartut tamarmik assersuutigalugu atuanngiffeqassapput .. kisianni taamaakkaluartoq assigiinngitsunik sammisassaqartinneqassapput.

Nittartagarput website aqqutigalugu AWG 2016 Ilisimatusarfimmi pisussat annerusumik atuarsinnaavatit.
 


Sulinermi isumaqatigiissut nutaaq


Ilisimatusarfimmi ilinniartitsisut aamma ilisimatuut nutaamik sulinermi isumaqatigiissusiorput. 

Sulinermi isumaqatigiissutip siunertaa tassaavoq Ilisimatusarfimmi ilinniartitsisut aamma ilisimatuut ersarissumik assigiimmillu sinaakkutaqarnissaat, soorluttaaq pisinnaatitaaffiit piginnaasallu Ilisimatusarfiup immikkoortortaqarfii akimorlugit atorluarneqarnissaannik qulakkeerinnittoq.

Ullup suliffiup pilersaarusiorneratigut anguniarneqartoq annerpaaq tassaavoq pitsaassuseq, naammassisaqarsinnaassuseq paasiuminarsaanerlu. Isumaqatigiissutip nassatarissavaa sulisut ataasiakkaat ulluinnarni sulinerisa- suliassaasalu nammaqatigiinnissaat. Nammaqatigiinneq suliassanut assigiinngitsunut piffissaq atorneqartoq assigiinngissuteqarsinnaavoq. Qaninnertut pisortarisap sulisullu ataasiakkaat immikkut isumaqatigiissusiortassapput sulinermi isumaqatigiissutip iluani sinaakkutit naapertorlugit.

Isumaqatigiissut naapertorlugu aqutsisut aqutsillutillu suliassanik agguataarissapput, aqutsisullu akisussaaffigaat sulisut sulinerisa- suliassaasalu nammaqatigiinnissaat.
Ilisimatusarfimmi pisussat


Pisussat


Ilisimatusarfimmi assigiinngitsunik aaqqissuussisarpugut - tamanut soqutiginaatillit.

Piffissami aggersumi soorlu, aaqqissuunneqassapput makku:
Nittartagarput website aqqutigalugu pisussat pereersullu atuarsinnaavatit.
Tusagassiuutiniissimanermit takussutissaq


Tusagassiuutit


Qaammammi kingullermi Ilisimatusarfik tusagassiuutikkut assigiinngitsunik taaneqartarpoq:

Nittartagarput website aqqutigalugu tusagassiuutikkut taaneqarsimanerit pillugit atuarsinnaavatit.
Ilisimatuunit Ilisimatusarfimmeersunit saqqummersitat kingulliit


Saqqummersitat


Ilisimatuunit saqqummersinneqartut kingulliit makkuupput:
  • Aagaard, Tine: "Hverdagsliv med sygdom - Patienters kulturelle perspektiver pÃ¥ sundhedspraksis i Grønland". INUSSUK - arktisk forskningsjournal, nr. 1
  • Aagaard, Tine: "Etik, kultur og viden". Tikiusaaq nr. 2

Nittartagarput website aqqutigalugu Ilisimatusarfiup nammineq saqqummersitai tamakkerlugit takusinnaavatit – nittartagarlu aqqutigalugu bestille dem online inniminniillutit.
Tine Pars (talerpilleq) isumasioqatigiinnermi saqqummiivoq: The Arctic Ahead - Safe, Secure and Sustainable


Ilisimatusarfik silarsuatsinni

 
Ilisimatuut sulisuvut akuttunngitsumik ataatsimiinnernut peqataasarput silarsuatsinni – saqqummersitanik tunniussinikkut saqqummiinikkullu .. assersuutitut kingulliit ataani takuneqarsinnaapput:
 

Nittartagarput website aqqutigalugu sulisut ilisimatuullu pillugit attaveqarnissamut paasissutissat takusinnaavatit.
Ilisimatusarfik suleqatigiinnerlu


Suleqatit


Kiinnat atorfinittullu nutaat


Anne Lise Kappel Aningaasaqarnermut Aqutsinermullu immikkoortortaqarfimmi aqutsisoq nutaaq.

Jeanette Sandy Shalmi Isumaginninnermut Immikkoortortaqarfimmi aqutsisoq nutaaq.

Karen Wistoft Danmarkimi Ilinniartitaanermut aamma Perorsaanermik ilisimatusarfimmi professoritut sulilerpoq.

Sulisut nutaat Anne Lise, Jeanette aamma Karen qanimut suleqatiginissaannut assut qilanaarpugut.
Toqqaannartumik attaveqaatikkut NemID atorlugu Ilisimatusarfimmi ilinnialernissamut qinnuteqarsinnaalerputit


Toqqaannartumik attaveqaatikkut qinnuteqarneq


Pisarnertut Kalaallit Nunatsinni ilinniartitaanernut qinnuteqarnissamut ulloq kingulleq tassaavoq 01. marsi.

Qinnuteqarnissanut tamanut Piareersarfik aqqutigineqassaaq.

Taamaattoq ukioq maannamiit www.sullissivik.gl aqqutigalugu NemID atorlugu toqqaannartumik attaveqaatikkut qinnuteqarnissaq nutaatut periarfissalerpoq.

Fra sommer 2017 skærper Ilisimatusarfik adgangskravene til en række af vores uddannelser. Dette har ikke betydning for ansøgning om optagelse i 2016. Læs mere om vores kommende skærpede adgangskrav pÃ¥ vores website.
Ilisimatuumik Ilisimatusarfimmeersumik ujarlerit - sukkasuumik aamma pisariitsumik nittartakatsinni


Ilisimatuumik ujarlerneq


Immikkut ilisimasalimmik amigaateqarpit - assersuutigalugu ilanngutassiassamut imaluunniit assigisaanut?

Taamaappat ikiortissaq qujanartumik uaneralaannguamiippoq.

Nittartagarput website aqqutigalugu nalunaarsuutinik peqarpugut, ilisimatuunik assigiinngitsunik immikkut ilisimasalinni ujarlernissamut periarfissalik - soorlu:
.. nalunaarsuut suli nanginneqarpoq ..

Nalunaarsuutit quppernera ataavartumik nutarterneqartarpoq - taamaattumik akuttunngitsumik alakkartarniariuk.
Ilisimatusarfik | Grønlands Universitet | University of Greenland

Postboksi 1061 | 3900 Nuuk | www.uni.gl | mail@uni.gl | Oqarasuaat +299 38 56 00
Aaqqissuisut - attavissat ..
Facebook
Twitter
Instagram
YouTube
LinkedIn