Copy
View this email in your browser
Share
Tweet
Forward
Annáll ársins 2017
Árið 2017 var viðburðaríkt hjá Fjármálaviti líkt og fyrri ár. Kennarar eru margir hverjir orðnir vel kunnugir námsefni Fjármálavits en markmiðið er að innleiða gott námsefni sem fjallar um fjármál einstaklinga og kennarar treysta og vita að skilar árangri. Það eykur líkurnar á því að markmiðið um að fjármálafræðsla fái sess í aðalanámskrá grunnskóla náist.

Öllum grunnskólum er boðin heimsókn á hverju skólaári og eru heimsóknir í boði yfir veturinn. Lögð er áhersla á að ekki sé um neina kynningarstarfsemi fyrirtækja að ræða og virkar það vel á skólana. Frá því að Fjármálavit hóf göngu sína vorið 2015 hafa yfir 250 starfsmenn unnið verkefni með 11 þúsund nemendum.
Á árinu 2017 heimsóttu 160 starfsmenn um 4000 nemendur í yfir 100 grunnskólum landsins. Jafnframt því að heimsækja grunnskóla var áherslan á að  styðja áhugasama kennara í því að nýta námsefni Fjármálavits til að kenna fjármálalæsi, en svo virðist sem fjármálalæsi sé ýmist tekið inn í kennslu sem hluti af stærðfræði eða lífsleikni, eða sem sér valfag.

Dæmi er um stærðfræðikennara sem tók námsefni Fjármálavits föstum tökum og notaði það markvisst fyrstu fimm vikur vetrarins við góðar undirtektir nemenda. Lífsleiknikennari tók einnig námsefnið sömu tökum og kenndi það samfleytt í fjórar vikur með aðstoð starfsmanna fjármálafyrirtækjanna sem koma að Fjármálaviti. Hvort tveggja gaf góða raun og það gefur sterklega til kynna að námsefnið er að virka.
 
Fjármálavit

Hvað er Fjármálavit?

Fjármálavit er námsefni fyrir nemendur á efsta stigi grunnskóla og er tilgangurinn að veita kennurum
innblástur í kennslu um fjármál og stuðla að auknu vægi fjármálalæsis í námskrá grunnskóla. Námsefnið er á vefsíðunni Fjármálavit.is og byggir á ákveðnum verkefnum og bókinni  „Fyrstu skref í fjármálum“ eftir Gunnar Baldvinsson.

Námsefnið er kynnt fyrir kennurum og nemendum þeirra, en starfsmenn fjármálafyrirtækja og lífeyrissjóða um land allt heimsækja grunnskólana og vinna verkefni Fjármálavits með krökkunum ásamt kennurum.

Viðbót við námsefnið



Í vor fóru SFF og LL í samstarf við Gunnar Baldvinsson framkvæmdastjóra Almenna lífeyrissjóðsins um bókina Lífið er rétt að byrja. Með bókinni voru stigin ný skref í þróun námsefnis Fjármálavits og geta allir nemendur í 10. bekk á landinu fengið bók að gjöf frá Fjármálaviti. Markmiðið með bókagjöfinni er að veita kennurum enn meiri tæki og tól til kennslu í fjármálalæsi og eru þegar margir skólar að nýta bókina við góðar undirtektir.
 

Öflugir nýir liðsmenn


Eitt af því sem stóð upp úr á árinu var þegar Landssamtök lífeyrissjóða gengu til samstarfs við SFF um Fjármálavit. Skrifað var undir samning 29. mars síðastliðinn í miðri viku sem tileinkuð var fjármálalæsi um allan heim. Starfmenn lífeyrissjóðanna hafa síðan þá sýnt verkefninu mikinn áhuga og verið duglegir að heimsækja skólana með verkefni Fjármálavits. Á myndinni má sjá Kristínu Lúðvíksdóttur, verkefnisstjóra Fjármálavits, Katrínu Júlíusdóttur, framkvæmdastjóra SFF, Þóreyju S. Þórðardóttur, framkvæmdastjóra LL og Rakel Fleckenstein Björnsdóttur, verkefnastjóra LL, við undirskrift samningsins.

 

Evrópuleikar í fjármálalæsi árið 2018

Fjármálavit er þátttakandi í Evrópuverkefni í að efla og bæta fjármálalæsi ungmenna í Evrópu og hefur fengið hrós fyrir á þeim vettvangi hversu vel er staðið að fræðslunni hér á Íslandi.

Yfir 30 lönd eru í þessu samstarfi og er hápunktur þess  vitundarvakning um fjármálalæsi sem stendur yfir heila viku ár hvert í marsmánuði. Fjármálavit hélt upp á vikuna með ýmsu móti en hápunkturinn var ráðstefna um fjármálalæsi þar sem kennarar og stofnanir sem vinna að eflingu fjármálavitundar ungmenna  leiddu saman hesta sína og fjölluðu um stöðu mála.

Á nýju ári,fylgja fjölmargar áskoranir. Áherlsan verður áfram á aukinn stuðning við kennara í notkun námsefnisins og er einn partur af því námskeið fyrir kennara.

Í undirbúningi er einnig þátttaka Fjármálavits í Evrópskum spurningaleikum næsta vor. Haldin verður landskeppni í fjölmörgum löndum Evrópu þar sem sigurvegarar frá hverju landi taka þátta í lokakeppni. Miklar væntingar eru bundnar við leikana í höfuðstöðvum Evrópsku bankasamtakana í Brussel.

 
Copyright © 2018 Samtök fjármálafyrirtækja, All rights reserved.


Want to change how you receive these emails?
You can update your preferences or unsubscribe from this list.

Email Marketing Powered by Mailchimp